بقلم : سامح فكري رتيب
حاولت كتير و ياما حولت اهرب من سكة الموت
و طلعت كتير غلطان دا الموت علينا مكتوب
دا الموت عمل زاي القطر الركاب علي كل المحطات بيفوت
و حاولت انوط من تاني باب و سمعت أعلي صوت
ارجع يا إنسان دا جاي في الميعاد عمره ما يسيبك و يفوت
لقيته جاي بسرعة من قبلي في القطر القشاش
ما تزعلش يا قلبي ما حدش اكتر من عمره بقي عاش
و تعبت كتير في الحسبة و تطلعت النتيجة متسواش
و الموت مكتوب علي كل واحد عاش أوصيك متنساش
و هي كلمة هاقول لك سلام و مع الاحباب اللي سابقون هنعيش
و ياما قلت لك هنموت كلمة نسيتها مع العمر اللي فات
دا الموت موعظة صامتة من غير أي كلمات بس فيها لقلب عبارات
و يا بخت اللي عاش الدنيا لربنا هيشوف الحبيب و كل الأحباب
يا حزنه اللي عاش الدنيا بعيد هنغلق في وشه اعظم باب
ان كان الموت مكتوب لنا في الفراق بيوجع في قلبنا
بس بنفرح لما يكون لينا احباب في السماء يشفع عند ربنا
و الموت بيجي في الميعاد و اللي يقول غير كدا كداب
و يا سعده اللي يستفاد من التجربة و يدخل من أضيق باب
قبل ما يجي الميعاد و يعيش و يشوف أشد عذاب
و بعد الموت مفيش فرصة هتقف قدام الرب الديان
ألحق لفرصة و اقف قدام ربنا اطلب المغفرة دا هو حنان
دا الموت مجهول الميعاد و مكتوب علي كل كائن و إنسان
و ياما أحباب ماتوا بس فضل احباب بس في ناس عايش اموات
و يفضل ثابت بعيد عن ربنا و العمر هيستني مين خلاص فات
و خلاصة الكلام سلام للي عايش في الحياه و اللي مات
و نطلب من رب السماء تعزيات و صبر في وقت و في الصلوات .
